Májilis Tóraǵasy Nurlan Nyǵmatýlın Shveısarııa Federaldy Jınalysy Ulttyq Keńesiniń Tóraǵasy Andreas Ebı bastaǵan delegasııa ókilderin qabyldady, dep habarlady osy Palatanyń baspasóz qyzmeti.
Palata Spıkeri Shveısarııa Federaldy Jınalysy Ulttyq Keńesi Tóraǵasynyń Qazaqstanǵa tuńǵysh ret jasap otyrǵan resmı saparyna erekshe nazar aýdaryp, atalǵan sapardyń Qazaqstan Táýelsizdiginiń 30 jyldyq jáne Shveısarııa Konfederasııasy qurylǵanynyń 730 jyldyq mereıtoıymen tuspa-tus kelgen tarıhı mańyzdylyǵyna basa nazar aýdardy.
Odan ári taraptar eki el arasyndaǵy, sonyń ishinde, parlamentaralyq yntymaqtastyqty damytý tóńireginde ortaq oılarymen bólisti. Nurlan Nyǵmatýlın atap ótkendeı, Shveısarııa bizdiń elimizdiń Eýropadaǵy mańyzdy saıası jáne saýda-ekonomıkalyq áriptesi sanalady. О́zara qarym-qatynas ornaǵan 29 jyldyń ishinde Nur-Sultan men Bern arasynda barlyq sala boıynsha yqpaldastyq tabysty damyp keledi. Osy rette Qazaqstannyń Tuńǵysh Prezıdenti, Elbasy Nursultan Nazarbaevtyń Qazaqstan-Shveısarııa yntymaqtastyǵynyń berik negizin qalap, elderimiz arasyndaǵy áriptestikti damytýǵa zor kóńil bólgenin alǵa tarta kelip, Májilis Spıkeri Qazaqstan Prezıdenti Qasym-Jomart Toqaevtyń atalǵan memleketpen ekijaqty baılanysty odan ári tereńdetýge zor kóńil bóletinin atap ótti.
Kezdesý barysynda Májilis Tóraǵasy Memleket basshysynyń saıası, ekonomıkalyq, áleýmettik reformalary týrasynda keńinen áńgimeledi.
Nurlan Nyǵmatýlın atap ótkendeı, Shveısarııa Qazaqstannyń iri saýda áriptesteriniń biri. Bul el bizdiń ekonomıkamyzǵa 30 mlrd dollarǵa jýyq ınvestısııa saldy. Shveısarııalyq kapıtaldyń qatysýymen Qazaqstanda 400-den astam kásiporyn jumys isteıdi.
Nurlan Nyǵmatýlın Qazaqstan saıası dıalogty, saýda-ekonomıkalyq, ınvestısııalyq jáne mádenı-gýmanıtarlyq qatynasty odan ári nyǵaıtýǵa múddeli ekenin aıta kelip, osy jolda barlyq salada, sonyń ishinde zańnamalyq organdar arasyndaǵy seriktestiktiń mańyzdylyǵyna toqtaldy.
О́z kezeginde Andreas Ebı Qazaqstan aýqymdy jeri bar álemdegi iri memlekettiń biri ekenine toqtalyp, bizdiń elimizdiń ekonomıkalyq damýy qarqyndy, modernızasııalyq jetistikteri joǵary, demokratııalyq ustanymdary berik ekenin aıtty.
Kezdesýde taraptar qos memlekettiń tarıhı, mádenı uqsas baılanystary tereńde ekenin alǵa tarta kelip, elderimiz arasyndaǵy baılanysty barlyq salada odan ári tabysty damytýdyń múmkindikteri zor ekenin atap ótti.