Jambyl oblysynda áskerı bólimdegi jarylystardan keıin birneshe adammen baılanys bolmaı tur. Bul týraly QR Qorǵanys mınıstri Nurlan Ermekbaev málim etti, dep habarlaıdy Egemen.kz.
«Barlyq zardap shekkenderge medısınalyq kómek kórsetilip jatyr. О́kinishke oraı órt saldaryn joıý barysynda 4 áskerı qyzmetshi qaza tapty.
Ońtústik óńir áskerı prokýrory polkovnık Qapezov, áskerı bólimniń kelisimshart serjanty Meshinbaı, kelisimshart efreıtory Janbolatov jáne áskerılendirilgen kúzet qyzmetshisi Danbaev. Osy sátti paıdalana otyryp, barlyq áriptesterimniń atynan qaza tapqandardyń jaqyndaryna kóńil aıtamyn», dedi mınıstr Jambyl óńirlik kommýnıkasııalar qyzmetindegi baspasóz máslıhaty barysynda.
Onyń atap ótýinshe, qazirgi ýaqytta birneshe adammen baılanys bolmaı otyr. Degenmen, olar tiri degen úmit bar. Izdeý jumystary jalǵasyp jatyr.
«Qazirgi ýaqytta qurylǵan jedel tergeý toby oqıǵanyń shyǵý sebebin anyqtap jatyr. Aldyn ala nusqa qaýipsizdik talaptaryn buzý bolýy múmkin. О́zdiginen lateraldy hımııalyq reaksııa bolýy da yqtımal. Túrli sebepti joqqa shyǵarmaımyz. Qaza tapqandardyń arasynda azamattyq tulǵalar joq», dedi Nurlan Ermekbaev.