Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Qazaqstanǵa resmı saparmen kelgen Iаdrolyq synaqtarǵa jappaı tyıym salý týraly shart uıymynyń Atqarýshy hatshysy Robert Floıdpen kezdesti, dep jazady Egemen.kz.
M.Tileýberdi Qazaqstannyń ıadrolyq synaqtarǵa tyıym salý rejımin nyǵaıtý saıasatyna, ıadrolyq qarýdan azat álem qurýǵa jáne Iаdrolyq synaqtarǵa jan-jaqty tyıym salý týraly sharttyń tez arada kúshine enýine berik ustanymyn rastady.
О́z kezeginde R.Floıd uıym qyzmetine qoldaý kórsetkeni úshin alǵysyn bildirip, Qazaqstannyń ıadrolyq qarýsyzdaný salasyndaǵy erekshe rólin atap ótti. Shartqa qatysýshy eldermen birge ıadrolyq qarýsyz álem ornatý jónindegi maqsatqa qol jetkizý týraly úmitin bildirdi.
Sonymen qatar taraptar ıadrolyq synaqtar men jergilikti ınspeksııalarǵa monıtorıng júrgizetin halyqaralyq stansııa jelisiniń jumysyn nyǵaıtýdy talqylady.
Kezdesý sońynda Birlesken málimdeme qabyldanyp, taraptar ıadrolyq qarýsyzdaný men taratpaýǵa beıildiligin rastady. Onda sondaı-aq barlyq memlekette ıadrolyq synaq júrgizýge moratorııdi saqtaýdy jalǵastyrý, halyqaralyq beıbitshilik pen qaýipsizdikti qoldaýǵa baǵyttalǵan Iаdrolyq synaqtarǵa jan-jaqty tyıym salý týraly shartqa qol qoıý jáne/nemese ratıfıkasııalaýǵa shaqyrý qamtylǵan.
«Atqarýshy hatshynyń alǵashqy resmı saparyn Qazaqstannan bastaýynyń jáne jabylýynyń 30 jyldyǵy qarsańynda burynǵy Semeı ıadrolyq polıgonyna barýynyń sımvoldyq máni bar. Bul sondaı-aq aldaǵy 29 tamyzda Iаdrolyq synaqtarǵa qarsy halyqaralyq kúnimen jáne Ortalyq Azııada ıadrolyq qarýdan azat aımaq qurylýynyń 15 jyldyǵymen tuspa-tus keledi», dep jazady SIM baspasóz qyzmeti.