Qarjylyq monıtorıng agenttiginiń Mańǵystaý oblysy boıynsha aýmaqtyq departamenti asa iri mólsherde bıýdjet qarajatyn jymqyrý deregi boıynsha sotqa deıingi tergep-tekserýdi qozǵady, dep habarlaıdy Egemen.kz.
Bul týraly QR QMA baspasóz qyzmeti málimdedi.
Jedel-tergeý is-sharalary barysynda 2017 jyly «Beıneý aýdandyq qurylys bólimi» MM jáne merdiger uıym arasynda Mańǵystaý oblysy, Beıneý aýdany, Sarǵa aýylynda 477,6 mıllıon teńge somasyna sý tazartqysh qondyrǵysy men aýylaralyq sý qubyry qurylysyna memlekettik satyp alý sharty jasalǵany anyqtaldy.
Sot-qurylys saraptamasynyń qorytyndysyna sáıkes atqarylmaǵan jumystardyń somasy 203,6 mıllıon teńgeni quraıdy.
Memlekettik mekemelerdiń qurylymdyq bólimsheleriniń jáne qurylys salasyndaǵy merdigerlik uıymdardyń basshylary tulǵasyndaǵy kúdiktiler ustalyp, ýaqytsha ustaý ızolıatoryna qamaǵa alyndy.
Tergeý jalǵasýda. Tergeý múddesine oraı ózge aqparat jarııa etýge jatpaıdy.