Baızaq aýdany Býryl aýylynda jańa mektep paıdalanýǵa berildi, dep jazady Egemen.kz.
1 qyrkúıek – Bilim kúninde oblys ákimi Berdibek Saparbaev Býryl aýylyndaǵy 300 oryndyq jańa mekteptiń ashylý saltanatyna qatysty.
«Býryl aýylyndaǵy osy mektep zaman talabyna saı salynyp otyr. Eshbir bilim oshaǵynan kem emes. Oblysymyz bilim sapasy jaǵynan respýblıkada aldyńǵy oryndarda. Sol bıikten túspeýimiz qajet. Oǵan osy jańa mektep ustazdary men shákirtteri de úles qosady degen úmittemiz. Bıyl Jambyl Jabaevtyń 175, Jazylbek Qýanyshbaevtyń 125 jyldyq mereıtoılary atalyp ótiledi. Oǵan da bilim salasynyń qosar úlesi mol. Bıyl el Prezıdentiniń tapsyrmasyna oraı birinshi synyp búldirshinderi «Álippe» oqýlyǵymen qaıta qaýyshyp otyr. «Álippe» bárimiz úshin ystyq», dedi B.Saparbaev.