Saýda jáne ıntegrasııa vıse-mınıstri Erjan Qazaqbaev Qazaqstanda azyq-túlik baǵasynyń ósýine jaýapty adamdy qalaı tańdaıtynyn aıtty, dep habarlaıdy Egemen.kz.
«Atalǵan tarmaqty iske asyrý úshin saýda jáne ıntegrasııa mınıstrligi UEM jáne basqa da múddeli organdarmen birlesip, bir aı merziminde saýda mınıstrligine baǵa belgileýdi úılestirý jáne azyq-túlik taýarlaryn óndirýshiden tutynýshyǵa deıingi tizbek boıynsha bólý jónindegi ýákiletti organnyń fýnksııalaryn berý jóninde usynystar engizedi», dedi Qazanbaev Úkimet otyrysynda.
Onyń aıtýynsha, bir aı merzimde salalyq memlekettik organdar men uıymdar arasyndaǵy ózara is-qımyl reglamenti ázirlenetin bolady.
«Bizdiń maqsatymyz – azyq-túlik taýarlarynyń aǵyndary men baǵalaryn monıtorıngileý men boljaýdyń durys jáne tıimdi júıesin qurý. Bul memleketke naryq konıýnktýrasy men baǵalardyń ózgerýine der kezinde jáne jedel den qoıýǵa múmkindik beredi», dep sendirdi vıse-mınıstr.
Eske sala ketsek, Prezıdent Qasym-Jomart Toqaev halyqqa Joldaýynda sheneýnikterdi baǵanyń kóterilýine baılanysty synǵa alǵan bolatyn.
Memleket basshysy azyq-túlik baǵasyn óndirýshiden tutynýshyǵa deıingi tizbek boıynsha biryńǵaı baqylaý boıynsha negizgi jaýapty memlekettik organdy anyqtaýdy tapsyrdy.