2021 jyldyń 1 qyrkúıeginde Túrikmenstan Prezıdenti Gýrbangýly Berdimuhamedovtiń ókimimen Aýǵanstanǵa gýmanıtarlyq kómek jiberildi, dep habarlaıdy Egemen.kz.
«El qajettilikteri úshin dári-dármekter, medısınalyq qyzmetkerlerge arnalǵan qorǵanys kıimderi men medısınalyq buıymdar, dezınfeksııalaýshy zattar, dárilik eritindiler, qorǵanysh maskalar, hırýrgııalyq qolǵaptar, koronavırýstyq ınfeksııany emdeýge arnalǵan quraldar men preparattar jiberildi», delingen aqparatta.
Gýmanıtarlyq júkti aýǵan tarapyna tapsyrý rásimi Gerat provınsııasyndaǵy Týrgýndı aýylynda provınsııa basshylarynyń, sondaı-aq túrikmen dıasporasy músheleriniń qatysýymen ótti.
Aýǵan jaǵy qoldaý kórsetip otyrǵan Túrikmenstan basshylyǵy men halqyna rızashylyǵyn bildirdi.