Nur-Sultan qalasynyń sport mektepterine 2021-2022 oqý jylyna qabyldaý bastaldy, dep habarlaıdy Egemen.kz Nur-Sultan qalasy ákimdiginiń resmı saıtyna silteme jasap.
Elordada balalar men jasóspirimderge arnalǵan 11 sport mektebi jumys isteıdi. Qazirgi tańda 73 bólimshede 8032 bala sportpen tegin negizde shuǵyldanady. Onyń ishinde olımpıadalyq, olımpıadalyq emes, ulttyq jáne múmkindigi shekteýli jandarǵa arnalǵan sport túrleri bar.
Sport mektepterine qabyldaý ár jyldyń qyrkúıek aıynan qazan aıyna deıin júzege asady. Ata-analar aldymen balalary baratyn sport mektebi men sport túrin tańdaıdy. О́tinish jazyp, bala densaýlyǵyna sportpen aınalysýǵa esh kedergi joq ekeni týraly dáriger anyqtamasy osy qujattardy tapsyrǵan soń irikteýge shaqyrylady. Belgilengen normatıvterdi oryndaǵan balalar irikteý negizinde sport mektepterine qabyldanady. Balalar men jasóspirimderge arnalǵan sport mektepteri men olımpıadalyq rezerterdi daıyndaıtyn sport mektepterinde balalardy biliktiligi joǵary jattyqtyrýshylar, halyqaralyq dárejedegi sport sheberleri jattyqtyrady.
Sondaı-aq múmkindigi shekteýli sportshylar úshin jattyǵý zaly men úıi arasynda qatynaıtyn arnaıy ınva taksıler qarastyrylǵan. Qosymsha suraqtar boıynsha 55-67-53, 55-75-61 nómerlerine habarlasýǵa bolady.