AQSh-tyń soltústik-shyǵysyndaǵy «Ida» daýyly saldarynan 46 adam kóz jumdy, dep habarlaıdy Egemen.kz CNN-ge silteme jasap.
Daýyldan qatty zardap shekken Nıý-Iork jáne Nıý-Djersı shtattarynda ondaǵan adam kóz jumdy. Pensılvanııa shtatynda da opat bolǵandar az emes. Buǵan deıin AQSh-tyń soltústik-shyǵysynda 29 adamnyń kóz jumǵany habarlanǵan edi.
Sársenbi kúni úsh shtattyń bıligi «Ida» daýylyna baılanysty óz aýmaqtarynda tótenshe jaǵdaı rejımin engizdi. Birneshe saǵattyń ishinde Nıý-Iorkte 15-25 cm jaýyn-shashyn túsken. Jergilikti turǵyndarǵa sý basý jáne tornado qaýpi týraly habarlama taratyldy. Brýklın men Kvıns aýdandarynda jergilikti turǵyndar áleýmettik jelilerde kósheler, úıler, metropolıten stansalaryn sý basqany týraly jazdy.
Nóser jaýyn saldarynan úsh qalalyq áýejaı jumysy ýaqytsha toqtatyldy, al qalada ótip jatqan AQSh-tyń tennısten US Open chempıonatynyń birneshe matchy keıinge shegerildi.