12 jasar atyraýlyq shahmatshy álem kýbogynyń qola júldegeri atandy, dep jazady Egemen.kz.
Oblystyq sport jáne dene shynyqtyrý basqarmasy baspasóz qyzmeti habarlaǵandaı, 31 tamyzda Halyqaralyq shahmat federasııasynyń (FIDE) uıymdastyrýymen jasóspirimder arasynda jyldam shahmattan álem kýbogy ótkizildi.
«Álem kýbogyna Tornelo.com platformasy arqyly iriktelgen jas shahmatshylar qatysty. Sonyń biri - atyraýlyq Zarına Nurǵalıeva. Sport sheberligine úmitker sanatyn ıelengen shahmatshy 12 jasqa deıingi qyzdar arasyndaǵy saıysta qola júldege ıe boldy», dep habarlady basqarmanyń baspasóz qyzmeti.
Ár sanattaǵy úzdik úsh qatysýshy FIDE-niń júlde qory 30 000 eýrony quraıtyn 2021 jylǵy onlaın kýbogy úshin ótetin sýperfınalǵa qatysýǵa úmitker bolady.