Densaýlyq saqtaý mınıstrligi qan tapsyrǵany úshin donorǵa beriletin tegin tamaqtyń aqshalaı balamasynyń mólsherin ulǵaıtýdy josparlap otyr, dep jazady Egemen.kz.
«Qandy jáne (nemese) onyń komponentterin donasııalaýdy óteýsiz negizde júzege asyrǵan donorǵa beriletin tegin tamaqtyń aqshalaı balamasy tıisti qarjy jylyna arnalǵan respýblıkalyq bıýdjet týraly zańmen belgilengen aılyq eseptik kórsetkishtiń 1,5 mólsherin quraıdy», delingen "Ashyq NQA" portalynda jarııalanǵan buıryq jobasynda.
Bıyl 1 AEK 2917 teńge ekenin eskersek, bul soma 4375 teńgege jetedi.
Aıta keteri, qazir óteýsiz negizde qan tapsyratyn donorǵa beriletin tegin tamaqtyń aqshalaı balamasy 0,25 AEK nemese 729 teńgeni quraıdy.
Túsindirme hatta aıtylǵandaı, Reseıde donorǵa 1200 rýb ≈ 6800 teńge, Belarýste 31,55 bel.rýb ≈ 5 045 teńge beriledi. Al Germanııada tegin tamaqtan bólek, 40 eýro ≈ 20 200 teńgege deıin alýǵa bolady.
«Qazaq taǵamtaný akademııasynyń» usynymdaryna sáıkes, donorlar qan tapsyrǵan kúni aqshalaı balamasy 1,5 AEK nemese azyq-túlik jıyntyǵy 4790 kkal bolatyn taǵam rasıonyn alýy kerek», delingen qujatta.
Jobany qoǵamdyq talqylaý merzimi 20 qyrkúıekke deıin sozylady.