«Talıban» áskerı ushaq pen ushqyshtardy qaıtar dep Tashkentke qysym kórsetip jatyr. О́zbekstandy ýaqytsha panalap jatqan aýǵan ushqyshtary ózderin Aýǵanstanǵa keri qaıtarady ma dep qaýiptenedi, dep jazady Egemen.kz.
Reuters aqparattyq agenttigi AQSh alyp ketedi dep úsh apta boıy kútip jatqan ushqyshtar jaıynda eksklıýzıvti materıal ázirledi.
Tamyz aıynda «Talıban» qozǵalysy Mazarı-Sharıf qalasyn basyp alǵannan keıin О́zbekstanǵa qashqan aýǵan ushqyshtary Reuters jýrnalısi telefon arqyly sóılesti.
«Eger bizdi keri qaıtarsa, olar bizdi óltiredi» degen ushqyshtyń biri ózderin qazir tutqynda otyrǵandaı sezinip júrgenin aıtty. Ushqyshtyń sózinshe, lagerde shamamen 465 adam bar.
AQSh-tyń О́zbekstandaǵy burynǵy elshisi Djon Horbstyń oıynsha, resmı Tashkent rasynda «Talıbannan» qysym kórip jatyr. Sebebi, olardyń deni AQSh-ta arnaıy áskerı jattyǵýdan ótip kelgen.
«Resmı Tashkent táliptermen jaqsy qarym-qatynasta bolǵysy keledi», dedi Horbst.
AQSh memlekettik departamentiniń ókili qazir О́zbekstanmen kelissóz júrip jatqanyn jetkizdi. Al О́zbekstan úkimeti Reuters saýaldaryna jaýap bermegen.
Ushqyshtyń sózinshe, lagerde ózderinen basqa Aýǵanstannyń qaýipsizdik qyzmetiniń ókilderi men qorǵanys tehnıkalary bar. Olardyń birazy otbasyn úshinshi elge jiberip úlgergen. Biraq kóbi sol Aýǵanstanda qalyp qoıǵan.