2021 jylǵy 1 qyrkúıektegi jaǵdaı boıynsha 12 501 adam tarıhı otanyna oralyp, qandastar mártebesin aldy. 1991 jyldan bastap respýblıkaǵa barlyǵy 1 mln 82,8 myń etnıkalyq qazaq oraldy, dep habarlaıdy Egemen.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Jyl basynan bastap Qazaqstanǵa kelgen qandastardyń jartysynan astamy (76,0%) О́zbekstannan, 9,8% - QHR-dan, 6,8% - Túrkimenstannan, 2,5% - Mońǵolııadan jáne 4,9% - basqa elderden kelgender bolyp tabylady.
Kelgen etnıkalyq qazaqtar negizinen Almaty (28,4%), Mańǵystaý (19,5%), Túrkistan (13,8%) jáne Jambyl (8,2%) oblystarynda, sondaı-aq Shymkent qalasynda (10,4%) qonystandy.
Aǵymdaǵy jylǵy 1 qyrkúıektegi jaǵdaı boıynsha eńbekke qabiletti jastaǵy etnıkalyq qonys aýdarýshylardyń sany 55,2%-dy, eńbekke qabiletti jastan kishi adamdardyń 27,1%-yn jáne zeınetkerler 17,6%-dy quraıdy. Eńbekke qabiletti jastaǵy qandastardyń 11%-y bilim deńgeıi boıynsha joǵary bilimdi, 39,4%-y - arnaıy orta bilimdi, 45,7%-y - jalpy orta bilimdi jáne 3,9%-y bilimi joqtar.