Ońtústik Koreıada teńizasty tonnel salyndy. 11 jylǵa sozylǵan qurylys aıaqtalyp, qazir jol tańbalaryn ornatý jumystary júrip jatyr. Bul álemdegi uzyndyǵy boıynsha 5-oryndy alatyn sýasty joly, dep jazady Egemen.kz.
Uzyndyǵy jeti shaqyrymdaı sý astyndaǵy tonnel – koreıalyq qurylysshylardyń maqtanyshy. Munda bári usaq-túıekke deıin oılastyrylǵan: jeldetý, káriz jáne elektrondy dıspleıler. Tipti jer ústimen ótetin tonnelderdiń qurylysyna qaraǵanda bir jarym ese tyǵyz sement qoldanylǵan. Injenerlerdiń aıtýynsha, bul nysandy júz jyl boıy paıdalanýǵa bolady. Eki baǵytqa júrýge bolatyn 2 tonnel salynǵan. Jol oqıǵasy bola qalǵan jaǵdaıda eki jol arasyndaǵy ótpe joldar arqyly jedel járdem mashınalary kire alady.
Tonnelde uıaly baılanys bazasy ornatylǵan, sondyqtan telefondardy paıdalanýǵa bolady.
Tonneldiń quny 417 mıllıon 383 myń dollar. Úkimet indet órship turǵan kezde salynǵan bul qurylys mol paıda ákeledi dep senedi. О́ıtkeni osy jol arqyly Vonsan aralyna týrıster aǵyny artady dep kútilýde.