Sherýge qatysýshylar áıelderge el basqarýǵa qatysý múmkindigin berýdi talap etýde, dep jazady Egemen.kz.
Bul týraly RIA Novostıge sherýge qatysýshylardyń biri habarlady.
Onyń aıtýynsha, narazy top Gor provınsııasynda júktiliktiń segizinshi aıynda óltirilgen túrme qyzmetkeri Negar Masýmıdiń portreti bar plakattardy kótergen. Talıban ókili Masýmıdiń ólimine sodyrlardyń qatysy joq ekenin aıtqan.
Sonymen qatar sherýge qatysýshylar áıelderge el basqarýǵa qatysý múmkindigin berýdi talap etip otyr. Ýaqytsha úkimettiń quramyn bir kún buryn jarııalaǵan tálibter bolsa, mundaı múmkindikti joqqa shyǵardy.
«Mınıstrler kabıneti áıelderdiń qatysýynsyz tolyq bolmaıdy. Eshqandaı úkimet áıelderdi shettete almaıdy. Áıelderdiń quqyǵyn nazardan tys qaldyrýǵa bolmaıdy», deıdi olar.
Agenttiktiń jazýynsha, Talıban Kabýldyń batysyndaǵy Dashte-Barchı aımaǵynan bastalǵan sherýge kedergi jasaýǵa tyrysyp jatyr. Narazylyq bildirýshilerge kúsh qoldaný týraly ázirge eshqandaı málimet joq.