Pavlodarda bir jasqa tolmaǵan sábı bir aıdan beri reanımasııada jatyr. Dárigerlerdiń aıtýynsha, onyń jaǵdaıy óte aýyr, dep habarlaıdy Egemen.kz.
Jergilikti basylymnyń habarlaýynsha, osydan on kún buryn dárigerler balanyń ókpesi 36%-ǵa zaqymdanǵanyn habarlaǵan. Bala koronavırýstyq ınfeksııadan týyndaǵan stıhııalyq pnevmomedıastıným asqynýyna shaldyqqan. Bul dert sırek kezdesetinder sanatyna jatqyzylǵan.
Búgingi tańda onyń reanımasııa bóliminde jatqanyna 28 kún boldy, biraq dárigerler naqty boljam bermeıdi.
«Jaǵdaıy óte aýyr, turaqsyz, mezgil-mezgil jaqsarady. Biraq sodan keıin nasharlaý paıda bolady. Apta saıyn respýblıkalyq mamandarmen keńester ótkizemiz, kún saıyn oblystyq deńgeıde konsılıýmdar ótkizemiz. Bala emdi tolyq kólemde alady, biraq qandaı da bir boljam berý qıyn», dep túsindirdi oblystyq balalar aýrýhanasy ınfeksııalyq stasıonar dırektorynyń orynbasary Zere Sadaqova.
Qazirgi ýaqytta Pavlodar oblysynda 170 bala men jasóspirimde koronavırýs rastaldy, 44 bala stasıonarlyq emdelýde.