Májilis spıkeri Nurlan Nyǵmatýlınniń tóraǵalyǵymen Májilis Bıýrosynyń otyrysy ótip, onda depýtattardyń aldaǵy jalpy otyrysynyń kún tártibiniń jobasy ázirlendi, dep habarlaıdy Egemen.kz.
Birinshi oqylymda bala quqyqtaryn qorǵaý máseleleri boıynsha zańnamalyq túzetýler talqylanady.
Atap aıtqanda, «Qazaqstan Respýblıkasyndaǵy balanyń quqyqtary týraly» Zańǵa balany kemsitýdiń barlyq nysandarynan qorǵaýdy qamtamasyz etý, balalardyń turǵyn úıge quqyqtaryn qamtamasyz etý, ata-analardyń balalardy tárbıeleý jónindegi mindetterin keńeıtý bóliginde túzetýler engizý usynylady.
Sondaı-aq, zań jobasynda ÁQBtK-ge kámeletke tolmaǵandardyń densaýlyǵyna jeńil zııan keltirgeni jáne uryp-soqqany úshin ákimshilik jaýapkershilik engizý bóliginde ózgerister kózdeledi.
Ekinshi oqylymda depýtattarǵa memlekettik basqarý deńgeıleri arasynda ókilettikterdi qaıta bólýge qatysty zańnamalyq jańalyqtardy qaraý usynylady.