Júıeli monıtorıng barysynda BTS Digital kompanııasy Ashyq qoldanbasynyń ınterfeısin qaıtalaı otyra, aılakerlik jolmen paıdalanýshylardyń bank esepshottarynyń logıni men parolin jınaıtyn fıshıngtik https://ashyq.info saıtyn anyqtady, dep jazady Egemen.kz.
Paıdalanýshy atalǵan saıtqa tap bolǵanda, onyń telefon nómiri men JSN-i suralyp, odan soń aıyppuldarynyń bar ekeni habarlanady. Aıyppuldardy Kaspi nemese HomeBank arqyly tóleý usynylady.
Odan ári ol bankterdiń resmı saıttarynyń ornyna aılakerler paıdalanýshylardy fıshıngtik resýrstarǵa kóshiredi. Eger paıdalanýshy Kaspi arqyly tóleýdi tańdasa, onda ol telefon nómiri men Kaspi.kz akkaýntynyń parolin toltyrýy qajet. Al eger HomeBank arqyly tóleýdi jón kórse, onda ne HomeBank-tegi bank esepshotynyń sáıkestendirgishin, ne bolmasa myHalyk akkaýntynyń logınin nemese paıdalanýshynyń senimdi nómirin usynýy tıis bolady.
Alaıaqtyq árekettiń kelesi qadamy - akkaýnt parolin suratyp, paıdalanýshynyń bank akkaýntyna ótý. Osyndaı jolmen alaıaqtar azamattardyń derbes derekterin jáne bank esepshottarynyń, eseptik jazbalary men akkaýnttarynyń avtorızasııalyq derekterin qolǵa túsirip, olardyń aqshalaı qarajattaryna zańsyz ıelik etýi múmkin.