Pavlodar oblysynda eki jol apaty boldy. Eki jaǵdaı da júrgizýshilerdiń kólik tizgininde uıyqtap qalǵandyqtan oryn aldy, dep habarlaıdy Egemen.kz.
«7 qyrkúıekte, saǵat 03:30 shamasynda, Pavlodar-Qyzylorda avtojolynyń 113-shi shaqyrymynda jol-kólik oqıǵasy oryn aldy. Onda 34 jastaǵy «Toıota Kamrı» avtokóliginiń júrgizýshisi jol metall keskishpen soqtyǵysyp, keıin kólik traektorııasyn ózgertip, «Shengrun» tralyna ilinip turǵan «MAZ» avtokóligimen soqtyǵysqan. Jol apaty saldarynan «Toıota Kamrı» avtokóliginiń eki jolaýshysy alǵan jaraqattarynan oqıǵa ornynda qaıtys boldy», dedi Pavlodar oblystyq polısııa departamenti bastyǵynyń birinshi orynbasary Jasqaırat Qaıyrov.
Atalǵan derek boıynsha Qazaqstan Respýblıkasy QK-niń 345-babynyń 4-bóligi «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» boıynsha sotqa deıingi tergeý bastaldy.
«Taǵy bir qaıǵyly oqıǵa 10 qyrkúıekte saǵat 01:10-da Shiderti kentiniń janyndaǵy «Pavlodar-Nur-Sultan» avtojolynda oryn aldy. «Toıota Kamrı» júrgizýshisi rýlde uıyqtap qalyp, ilespe baǵytta kele jatqan tirkemege ilingen Kamazben soqtyǵysty», dep habarlady Pavlodar oblysy polısııa departamentiniń baspasóz qyzmeti.
Nátıjesinde «Toıota Kamrı» avtokóliginiń bir jolaýshysy qaıtys boldy, al ekinshisi dene jaraqattarymen aýrýhanaǵa jetkizildi. Qazirgi ýaqytta sotqa deıingi tergeý júrgizilýde.
Jyl basynan beri Pavlodar oblysynyń joldarynda 356 apat tirkelip, 31 adam qaza tapty.