О́zbekstanǵa qashqan aýǵan ushqyshtarynyń birqatary Birikken Arab Ámirligine (BAÁ) ushyp ketti. Bul týraly Reuters agenttigi AQSh-ta bilim alǵan aýǵan ushqyshynyń sózderine silteme jasap habarlady, dep jazady Egemen.kz.
Ortalyq Azııa jańalyqtar qyzmeti taratqan aqparatqa qaraǵanda, tálipterdiń ushqyshtardy keri qaıtarý týraly talabyna qaramastan, olar jeksenbi kúni BAÁ-ge ushyp ketken.
Ázirge AQSh memlekettik departamenti, BUU jáne «Talıban» qozǵalysy bul málimet boıynsha túsinikteme bermedi.
Senbi kúni The Wall Street Journal basylymy aýǵan ushqyshtaryn AQSh-tyń Katardaǵy áskerı bazasyna jóneltip, ol jaqtan basqa ólkelerge jetkiziledi dep jazǵan.
Reuters aýǵandar ushyp kelgen A-29 úlgisindegi 22 ushaq pen UH-60 Black Hawk úlgisindegi 24 tikushaqtyń qazir qaıda ekeni belgisiz deıdi.
15 tamyzda «Talıban» Aýǵanstan astanasy Kabýlǵa basyp kirgennen keıin 585 aýǵan ushqyshy otbasymen О́zbekstanǵa qaraı qashqan.
Tálipter О́zbekstannan ushqyshtardy qaıtarý jóninde talap etken. Sol sebepti Tashkent AQSh-tan bul máseleni tezirek sheshýdi ótingen.