Jerin zańdastyra almaı júrgen Munaıly aýdanynyń bir top turǵyny oblystyq ákimdikke bardy, dep habarlaıdy Egemen.kz.
Mangystaumedia.kz saıty jazǵandaı, ol aýylda zańdy meken-jaıy joq 450 úı bar. 2013 jyly aqshasyn sanap berip, jerdi satyp alǵandar osy ýaqytqa deıin bir japyraq qujatty ala almaı keledi.
– Myna jer ne úkimette emes, ne jekemenshikte emes. Zańdastyryp, bir sheshimin tabý kerek qoı. О́zimiz sol jerde turamyz, biraq basqa úıde tirkeýde turmyz, – deıdi Merýert Aıtanova esimdi turǵyn.
Turǵyndar jer ýchaskesin jeke kásipkerden satyp alǵan. Biraq, oǵan eshqandaı dálel joq. Al jerdiń óndiristik sharýashylyq úshin berilgenin olar úıdiń búkil qurylysy aıaqtalǵanda ǵana bilgen.
– Jerdi naqty aqshaǵa satyp alǵanbyz. Biz tegin jer surap jatqan joqpyz, kezinde satyp alǵan jerimizdi zańdastyryp berse boldy, – deıdi endi biri.
Munaıly aýdany ákiminiń orynbasary Erjan Kúmisqalıev máseleni sheshý úshin sotqa júginýge usynys bildirip otyr. Bul úılerdi aýdannyń bas josparyna engizý úshin jyl sońyna deıin kútýge týra keledi.
– Jerdi satqan adam sottalyp, sottyń sheshimi shyqty. Biz turǵyndarmen aqyldastyq, olardyń ókili jerdi rásimdeý jóninde sotqa aryz beretin boldy. Sosyn ákimdik te jol kórsetip otyrady, – deıdi Munaıly aýdany ákiminiń orynbasary Erjan Kúmisqalıev.
Erjan Kópjasaruly máseleniń osy kúnge deıin sheshilmeýiniń sebebin aıtpady. Degenmen, turǵyndar alaıaqtyń quryǵyna túskenin aıtty. Eń qyzyǵy, bir de bir qujaty joq turǵyn úılerge gaz qubyry men elektr jaryǵyn ákimdiktiń ózi júrgizip bergen.