QR Premer-Mınıstri Asqar Mamınniń tóraǵalyǵymen ótken Investısııalyq shtab otyrysynda Ekologııa, geologııa jáne tabıǵı resýrstar mınıstrliginiń, «Báıterek» UBH» AQ, sondaı-aq Jambyl jáne Aqmola oblystarynyń ákimdikteriniń ınvestısııalyq jobalardy iske asyrý barysy qaraldy, dep jazady Egemen.kz Úkimet basshysynyń baspasóz qyzmetine silteme jasap.
Ekologııa, geologııa jáne tabıǵı resýrstar mınıstri Serikqalı Brekeshev ekologııa, geologııa, balyq, orman jáne sý sharýashylyǵy salalarynda EGTRM negizgi kapıtalǵa tartatyn ınvestısııalardyń 2021-2025 jyldarǵa arnalǵan nysanaly kólemi 2,5 trln teńgeni quraıtynyn málim etti.
Investısııalyq jobalar pýlyna Nur-Sultan, Aqtóbe, Shymkent, О́skemen, Qaraǵandy jáne Almaty qalalarynda «Waste to Energy» qoqys jaǵatyn zaýyttaryn salý, jer qoınaýyn geologııalyq zertteý salasynda sheteldik áriptestermen yntymaqtastyqty keńeıtý, sýmen qamtamasyz etýdiń tuıyq sıklindegi balyq ósirý sharýashylyqtaryn, toǵan jáne sharbaqty balyq ósirý sharýashylyqtaryn damytý, Kaspıı teńizinde balyq aýlaýdy uıymdastyrý, qurama jem, artemııa sıstalaryn óńdeý zaýyttaryn salý jáne t. b. kiredi.
Orman qorynda ekologııalyq týrızmdi damytý maqsatynda Ile Alataýy, Sharyn, «Kólsaı kólderi», «Altyn Emel» jáne t. b. memlekettik ulttyq tabıǵı parkterinde qajetti ınfraqurylymdy qalyptastyrý boıynsha jobalar iske asyrylady. Sý sharýashylyǵy salasynda Jambyl oblysyndaǵy Tasótkel magıstraldy kanalyn, Úlken Almaty kanalyn, Almaty oblysynyń sý sharýashylyǵy jáne gıdromelıoratıvtik júıelerin rekonstrýksııalaý jáne jańǵyrtý, Túrkistan oblysyndaǵy О́gem ózeninde SES kaskady bar sý tartqysh salý josparlanyp otyr.
«Báıterek» UBH» AQ basqarma tóraǵasy Aıdar Áriphanov Qazaqstannyń Damý Bankiniń (QDB) qorjynynda jalpy somasy 7,1 trln teńgege 61 ınvestısııalyq joba jáne 16 eksport aldyndaǵy operasııa bar ekenin aıtty.
Osy jyldyń 6 aıynda QDB jańartylatyn energetıka, avtomobıl jasaý, TMK jáne týrızm salalarynda 47 mlrd teńgege 5 ınvestısııalyq jobany jáne 67,9 mlrd teńgege 14 eksporttyq operasııany qarjylandyrdy. Logıstıka, qurylys ındýstrııasy, jańartylatyn energetıka, TMK salalaryndaǵy 4 ınvestısııalyq joba, sondaı-aq 211 mlrd teńge somasyna 2 eksport aldyndaǵy operasııa qarjylandyrýǵa maquldandy.
О́nerkásipti damytý qory jelisi boıynsha aýyl sharýashylyǵy tehnıkasyn, avtobýs parkin, júk vagondaryn, kommýnaldyq jáne órt sóndirý tehnıkasyn jańartý, otandyq avtoóndirýshilerdi qoldaý jáne t. b. boıynsha jalpy somasy 45,88 mlrd teńgege 198 joba qarjylandyryldy.
AО́K damytý aıasynda «Báıterek» UBH» AQ enshiles qurylymdary 2021 jyldyń I jartyjyldyǵynda 282,5 mlrd teńge somasyna 14 397 qaryz berdi. Osy jyldyń aıaǵyna deıin sektordy barlyǵy 388,3 mlrd teńge kóleminde qarjylandyryp, 831 mln teńgege 373 birlik kepildik berý kózdelip otyr.
«Kazakh Invest» UK» AQ basqarma tóraǵasy Meıirjan Iýsýpov «Task Force» arnaıy ınvestısııalyq bólimshesi AО́K, hımııa jáne taý-ken metallýrgııasy ónerkásibi, farmasevtıka, energetıka, qurylys materıaldaryn óndirý, kólik jáne logıstıka salalarynda $12 mlrd astam somaǵa 57 jobany pysyqtap jatqanyn málimdedi.
Jambyl oblysy ákiminiń orynbasary Almas Mádıev 2021-2025 jyldarǵa ákimdik AО́K, hımııa jáne taý-ken metallýrgııasy ónerkásibi, jańartylatyn energetıka, qurylys materıaldaryn óndirý jáne t. b. sııaqty salalarda jalpy somasy 2,5 trln teńgege 107 ınvestısııalyq jobadan turatyn pýl qalyptastyrǵanyn atap ótti. Bıylǵy jyldyń 8 aıynda Jambyl oblysynda negizgi kapıtalǵa salynǵan ınvestısııalar kólemi 231,1 mlrd teńgeni qurady, bul ótken jylǵy sáıkes kezeńdegi kórsetkishten 20,2%-ǵa artyq. Osy jyly negizgi kapıtalǵa 421 mlrd teńge kóleminde ınvestısııalar aǵynyn qamtamasyz etý josparlanyp otyr.
Aqmola oblysy ákiminiń orynbasary Qanat Ydyrysov aldaǵy 5 jylǵa ákimdik AО́K, qurylys ındýstrııasy, TMK, energetıka, mashına jasaý, týrızm, bilim berý jáne t. b. salalarda 1,8 trln teńge somasyna 330 jobadan turatyn pýl qurǵanyn baıandady. Bıyl jalpy somasy 695,8 mlrd teńgege 108 joba iske asyryla bastady. Osy jylǵy qańtar-tamyz aılarynda Aqmola oblysynda negizgi kapıtalǵa salynǵan ınvestısııalar kólemi 276,3 mlrd teńgeni qurady, bul ótken jylǵy sáıkes kezeńdegi kórsetkishten 10%-ǵa artyq. Bıyl negizgi kapıtalǵa barlyǵy 558 mlrd teńge kóleminde ınvestısııa aǵynyn qamtamasyz etý kózdelip otyr.
Úkimet basshysy barlyq memlekettik organǵa, óńirler ákimdikterine jáne kvazımemlekettik sektor sýbektilerine ishki jáne syrtqy ınvestısııalardy tartý boıynsha jumysty júıeli negizde jalǵastyrýdy tapsyrdy.