Elde astyq alqabynyń 83%-y orylyp, qambaǵa 12 mıllıon tonna bıdaı quıyldy, dep habarlaıdy Egemen.kz.
Dıqandar jalpy aýdany 13 mıllıon gektar jerdegi dándi daqyldy shashpaı-tókpeı jınap aldy. Biraq ónim kóńil kónshitpeı tur. Ortasha eseppen gektaryna 9,1 sentnerden aınalady.
Soltústik Qazaqstan oblysynda kúzgi dala jumystary aıaqtalýǵa jaqyn. Aýyl sharýashylyǵy basqarmasynyń sońǵy deregi boıynsha, qazir óńirde 2 mln 500 myń tonnadan asa astyq jınaldy. О́ńirde jalpy egis aýmaǵynyń 80%-y oryldy. Ortasha túsim gektarynan 10,7 sentner. Keıbir dıqandar qýańshylyqqa qaramastan mol ónim alyp jatyr.
Aýyl sharýashylyǵy mınıstrligi bıyl 15 mıllıon tonnadan astam astyq jınalady dep josparlap otyr. Bul ishki naryqtyń suranysyn tolyq qamtyp, eksporttaýǵa da jetedi.