Bul týraly «Kazakh Tourism» AQ basqarýshy dırektory Talǵat Amanbaev «Bizz Eurasia 2022» kórmesin ótkizýge arnalǵan brıfıngte aıtty, dep jazady Egemen.kz.
«2020 jyly Qazaqstan 2021 jylǵa arnalǵan WORLDCOB «Bizz Awards» is-sharasyn ótkizý quqyǵyn jeńip aldy, ol belgili sebeptermen kelesi jylǵa aýystyrylǵan edi. Is-sharaǵa álemniń túkpir-túkpirinen 250-ge jýyq kásipker qatysady. Onyń ishinde bıznes ıeleri, birinshi basshylar, basqarýshy dırektorlar jáne 50-den astam eldiń shaǵyn, orta jáne iri kompanııalarynyń seriktesteri bar», dedi Amanbaev.
Onyń aıtýynsha, sharany ótkizý boıynsha barlyq shyǵynyn uıymdastyrýshylar óteıdi.
«Bizz Awards» - 2022-2025 jyldary Qazaqstanda ótetin 6 is-sharanyń biri. Barlyǵy 2025 jylǵa deıin otandyq MICE týrızm ındýstrııasyn koronadaǵdarys kezeńinde qalpyna keltirýge járdemdesetin kem degende 20 halyqaralyq is-sharany tartý josparlanyp otyr», dedi Talǵat Amanbaev.
Aıta keteıik, Qazaqstan TMD elderi arasynda ekinshi oryn alyp, COVID-19 pandemııasyna deıin kongrestik-iskerlik týrızmdi (MICE týrızm) damytý boıynsha Ortalyq Azııa boıynsha kóshbasshy atandy. Halyqaralyq kongrester men konferensııalar qaýymdastyǵynyń derekteri boıynsha 2019 jyly Qazaqstan halyqaralyq qaýymdastyqtardyń 18 is-sharasyn ótkizýdi utyp aldy, olardy ótkizýden túsken tabys 6 mıllıon dollardy qurady.