Qazaqstanda bir apta ishinde 3190 qylmys jasaldy. Bul týraly QR IIM resmı ókili Nurdildá Oraz málimdedi, dep habarlaıdy Egemen.kz.
«Bir apta ishinde 3 190 qylmys jasaldy, onyń 2 166-sy bir táýlik ishinde ashyldy», dedi Nurdildá Oraz brıfıng barysynda.
Atalǵan málimetterge sáıkes, polısııa qyzmetkerleri «izin sýytpaı» 7 kisi óltirý, ólimge ákep soqqan densaýlyqqa qasaqana aýyr zııan keltirý, 34 tonaý, 457 bóten múlikti urlaý qylmystaryn anyqtady.
Sondaı-aq, Ishki ister mınıstri «Nur Otan» partııasynyń alańynda azamattardy qabyldaǵany atap ótildi. Vedomstvo basshysyna óńirlerdiń turǵyndarynan beıne baılanys arqyly tikeleı efırde ótinishter kelip tústi. Olar negizinen qylmystyq isterdi tergeýdiń sapasy men merzimderin saqtaýǵa, joǵalǵandardy izdeýge, kóshi-qon zańnamasy men jumysqa qabyldaý máselelerine qatysty boldy.