Vedomstvoaralyq komıssııanyń kórermenderdi trıbýnaǵa jiberý týraly sheshiminiń arqasynda Qazaqstan tennıs federasııasy Nur-Sultanda ótip jatqan Astana Open ATP 250 týrnırine jankúıerler jiberiledi, dep habarlaıdy Egemen.kz UOK-ke silteme jasap.
Bıletterdiń sany shekteýli jáne qatań retteledi. Kirý ASHYQ júıesi arqyly (kelýshilerdiń «jasyl» mártebesi bolǵan jaǵdaıda ǵana) júzege asady. Bul sheshim arenanyń tolýyn baqylaýǵa jáne otyrý erejelerin saqtaýǵa kómektesedi. Kórermender maska rejımi men áleýmettik qashyqtyqty saqtaýy kerek. Negizgi kezeń matchtarynyń bıletter quny - 3000 teńge
Jartylaı fınal men fınaldyń bıletter quny - 5000 teńge
О́tetin orny: Ulttyq tennıs ortalyǵy, Turan dańǵyly 4/2 V. Bıleti bar kórermenderge arnalǵan kireberis - Soltústik trıbýna (Ortalyq saıabaq jaqtan). Astana Open bul álemniń Aslan Karasev, Djon Mıllman, Benýa Per, Krıstına Mladenovıch, Elıson Van Ýtveık syndy TOR100 tennısshileri qatysatyn Halyqaralyq tennıs kásipqoılary qaýymdastyǵynyń (ATP) jáne Áıelder tennısi qaýymdastyǵynyń (WTA) qoldaýymen ótetin bedeldi ATP 250 jáne WTA 250 serııasynyń týrnırler qataryna jatady. Qazaqstan sapynan elimizdiń ulttyq quramasynyń oıynshylary - Aleksandr Býblık, Mıhaıl Kýkýshkın, Andreı Golýbev, Aleksandr Nedovesov, Zarına Dııas, Iýlııa Pýtınseva, Iаroslava Shvedova, Anna Danılına qatysady. Erler týrnıriniń fınaly 26 qyrkúıekte, áıelder arasyndaǵy týrnır 2021 jyldyń 2 qazanynda ótedi.