«Jańa Mysyr» tujyrymdamasy aıasynda el týrısterge jańa kýrorttar usynady. Bul týraly eldiń týrızm jáne ejelgi mınıstri Haled Ál-Ananı málimdedi, dep habarlaıdy Egemen.kz.
Onyń aıtýynsha, jańa kýrorttyq qalalar týrısterge zamanaýı jaılylyq pen jańa tanymal qonaqúıler usynady. Sondaı-aq, eski jáne jańa kýrorttardyń kóliktik qoljetimdilik júıesin jetildirý josparlanyp otyr.
«Aldaǵy birneshe aı ishinde biz eki jańa týrıstik qalany ashýdy josparlap otyrmyz. Birinshi kýrort Kaırden shamamen 100 km qashyqtyqta, Qyzyl teńizge jaqyn bolady. Al-Galalıa dep atalatyn bul jańa kýrort týrısterge ártúrli ıahtaǵa arnalǵan jańa Marınany usynady. Sondaı-aq, birneshe aıdan keıin Aleksandrııa mańyndaǵy Jerorta teńiziniń jaǵalaýynda jańa Al - Alamın qalasy ashylady», dedi mınıstr.
«Izvestııa» basylymynyń málimetinshe, mınıstrlik osy týrıstik aımaqtar men qalalardy ártúrli tásilmen: arzan áýe jelileri, ushý baǵdarlamalary, jyldam joldar, temir joldarmen baılanystyrýdy josparlap otyr.
«Basty maqsat - týrısterge osy qalalarǵa baryp, birneshe ret kelýge múmkindik berý», dedi mınıstr.
Sonymen birge, onyń aıtýynsha, ol Mysyr kýrorttaryndaǵy epıdemıologııalyq jaǵdaıdy «óte jaqsy» dep sanaıdy.