Segiz aıdyń qorytyndysy boıynsha Qazaqstanda bir jylda aıaq kıim 6%-ǵa qymbattady, dep habarlaıdy Egemen.kz Energyprom.kz-ke silteme jasap.
Zertteýshiler atap ótkendeı, balalarǵa arnalǵan aıaq kıiminiń baǵasy shamamen 9%-ǵa ósti.
«Aǵymdaǵy jyly erlerge arnalǵan aıaq kıim 6,5%-ǵa, áıelderge arnalǵan aıaq kıim 5,2%-ǵa qymbattady. Balalar aıaq kıiminiń baǵasy 8,5%-ǵa ósti», - delingen habarlamada.
Saýalnamaǵa sáıkes, eki jup qysqy jáne jazǵy aıaq kıimge qol jetkize almaıtyn qazaqstandyqtardyń úlesi 15,3%-dy qurady. Al tozǵan aıaq kıim men kıimdi aýystyra almaıtyn qazaqstandyqtardyń úlesi 4,7%-dan 5%-ǵa deıin ósti.
Ár túrli jas toptarynyń arasynda 39-dan 48 jasqa deıingi (17,4%), eń az degende 18-den 28 jasqa deıingi qazaqstandyqtar, sondaı-aq zeınetkerler (14,7%-dan) qysqy jáne jazǵy aıaq kıimniń eki jubyn satyp ala almaıtyndyǵy týraly jıi aıtylǵan.
Sonymen qatar, Qazaqstan qalalarynda erlerge arnalǵan aıaq kıimdi jóndeýdiń ortasha quny tamyzda 1393 teńge bolsa, al áıelder úshin 1113 teńgeni qurady. Qyzylordada erlerge - 1000 tg, áıelderge - 891 tg, sondaı-aq Qaraǵandyda erlerge - 1049 tg, áıelderge - 923 tg aıaq kıimdi qalpyna keltirý arzanǵa túsedi.
Erler aıaq kıimin jóndeý Nur-Sultan (1987 tg) jáne Atyraý (1817 tg) turǵyndaryna, al áıelder aıaq kıimin Aqtaý (1516 tg) jáne Atyraý (1445 tg) turǵyndaryna qymbatqa túsedi.
Qazaqstanda aıaq kıim óndirisi ótken jylmen salystyrǵanda artyp, aǵymdaǵy jyldyń qańtar-tamyz aılarynda 913,2 myń jup (+19,7%) bylǵary jáne 34,3 myń jup (+20,8%) kıiz aıaq kıimdi qurady.