Pavlodarda esirtki taratýmen aınalysqan О́zbekstan Respýblıkasynyń azamaty ustaldy, dep habarlaıdy Egemen.kz.
«Pavlodarlyq jedel ýákilder oblys ortalyǵynyń aýmaǵynda esirtki quraldaryn zańsyz taratýmen aınalysqan О́zbekstan Respýblıkasynyń 45 jastaǵy azamatyn ustady. Tintý barysynda jedel ýákilderdiń turǵylyqty jeri boıynsha «gashısh» esirtki zaty bar 190 paket tabyldy. Jalpy salmaǵy 1 kılogramm 300 grammdy qurady», dedi Pavlodar oblysy polısııa departamentiniń bastyǵy Nurlan Másimov.
Sheteldikpen qylmystyq baılanysta bolǵan Pavlodar oblysynyń 34 jastaǵy turǵynynyń jeke basy da anyqtaldy. Er adam turǵan ferma ǵımarattaryn teksergen kezde polısııa úıdiń aýlasynan ósimdik tektes jasyl zatpen toltyrylǵan eki sómkeni tapty. Sarapshylar tabylǵan zattyń salmaǵy 19 kg marıhýana ekenin anyqtady. Er adamdarǵa qatysty Qazaqstan Respýblıkasy QK 297-baby boıynsha sotqa deıingi tergeý bastaldy.