Almaty oblysynda QR Tótenshe jaǵdaılar mınıstri Iýrıı Ilınniń basshylyǵymen «Qazqutqarý-2021» qutqarý kópsaıysy jáne áskerı-qutqarý úshsaıysy boıynsha jarystardyń ashylý rásimi ótti, dep jazady Egemen.kz
Jarysqa Qazaqstan, О́zbekstan jáne Qyrǵyzstan TJM qutqarý bólimsheleri jáne QR azamattyq qorǵanys áskerı bóliminiń áskerı qyzmetshi-qutqarýshylary qatysyp jatyr.
Jarys 3 qashyqtyqty, atap aıtqanda «Tehnogendik apattar jaǵdaıyndaǵy izdestirý-qutqarý jumystary» dıstansııasy, «Akvatorııada izdestirý-qutqarý jumystary» qashyqtyǵy, «Tabıǵı orta jaǵdaıyndaǵy izdestirý-qutqarý jumystary» dıstansııasy qamtıdy.
Birinshi kúni qatysýshylar «Tehnogendik apattar jaǵdaıyndaǵy izdestirý-qutqarý jumystary» qutqarý kópsaıysy boıynsha qashyqtyqtar men «Kross» jáne «Keshendi kúshtik jattyǵýlar» áskerı-qutqarý úshsaıysy boıynsha synnan ótedi.
«Maqsat – izdestirý-qutqarý, avarııalyq-qutqarý jumystaryn júrgizý daǵdylaryn jetildirý jáne jedel-qutqarý jasaqtary arasyndaǵy ózara is-qımyldy pysyqtap, avarııalyq-qutqarý quraldary men tehnıkasyn paıdalanýdyń ozyq ádisin meńgerý, izdestirý-qutqarý jumystaryn júrgizý tájirıbesimen almasý, qutqarýshylardyń kásiptik daıarlyǵyn jetildirý», dep jazady TJM baspasóz qyzmeti.
Jarystar 23-27 qyrkúıek aralyǵynda ótedi.