«Qazgıdromet» RMK-sy Qazaqstannyń birqatar óńirinde aýa raıyna baılanysty eskertý jarııalady, dep habarlaıdy Egemen.kz.
24 qyrkúıekte Aqtóbe oblysynda shyǵystan, ońtústik-shyǵystan jel soǵady, kúndiz oblystyń ońtústik-batysynda, soltústik-batysynda ekpini 15-20 m/s bolady dep kútiledi. Aqtóbede kúndiz shyǵystan, ońtústik-shyǵystan jel soǵady, ekpini – 18 m/s. 24 qyrkúıekte kúndiz Túrkistan oblysynyń taýly aýdandarynda jáne batysynda shyǵystan jel soǵady, kúshi – 15-20 m/s. Oblystyń basym bóliginde tótenshe órt qaýpi saqtalady.
Túrkistanda kúndiz shyǵystan jel soǵady, ekpini – 15-20 m/s. Mańǵystaý oblysynyń ortalyǵynda, soltústik-shyǵysynda shańdy daýyl turady. Ońtústik-shyǵystan jel soǵady, oblystyń ortalyǵynda, soltústik-shyǵysynda jyldamdyǵy sekýndyna 15-20 metrge, kúndiz ekpini 23 metrge jetedi.
Aqtaýda ońtústik-shyǵystan jel soǵady, kúnniń ekinshi jartysynda ekpini 15-18 m/s-qa jetedi.
Qyzylorda oblysynyń ortalyǵynda jáne batysynda soltústik-shyǵystan, shyǵystan jel soǵady, kúshi 15-20 m/s bolady, shańdy daýyl turady. Tótenshe órt qaýpi saqtalady.
Qyzylordada kúndiz soltústik-shyǵystan jel soǵady, ekpini 15-20 m/s bolady, shańdy daýyl turady.
Túnde Shyǵys Qazaqstan oblysy aımaǵynyń basym bóliginde 1-6 gradýs úsik júredi. Besqaraǵaı, Úrjar aýdandarynda tótenshe órt qaýpi kútiledi. 24 qyrkúıek Batys Qazaqstan oblysynda jel ońtústik-shyǵystan soǵady, oblystyń shyǵysynda ekpini – 15-20 m/s.
Qaraǵandy oblysynda shyǵystan, soltústik-shyǵystan jel soǵady, oblystyń ońtústiginde jáne batysynda jeldiń ekpini 15-20 m/s bolady, tótenshe órt qaýpi saqtalady.