Qyrǵyzstan Prezıdenti Sadyr Japarov Kishi jáne Úlken Pamır etnıkalyq qyrǵyzdary úshin jańa qalashyqtyń qurylysyna kapsýla saldy. Qala Osh oblysynyń Choń-Alaı aýdanynda salynady, dep habarlaıdy Egemen.kz Anadoly agenttigine silteme jasap.
S. Japarov jergilikti turǵyndarmen sóılesip, qalǵan aýǵan qyrǵyzdaryn tarıhı otanyna kóshirý nıetin taǵy da basa aıtty. Ol bul máseleni jeke baqylaýynda ekenin eske saldy.
Onyń aıtýynsha, bolashaqta bul jerde pamırlik qyrǵyzdar qolaıly jaǵdaılarmen ómir súrýi úshin 300-400 úı salynady.
Buǵan deıin Kishi jáne Úlken Pamırden kelgen etnıkalyq qyrǵyzdardyń ondaǵan otbasy tarıhı otanyna qonys aýdardy, olarǵa azamattyq pen baspana berildi.