Rıdder qalasynda «102» jedel arnasyna 35 jastaǵy jergilikti turǵyn habarlasyp, belgisiz azamat plastıkalyq terezeni ashyp, úıin tonap ketkenin aıtqan, dep jazady Egemen.kz.
Úıinen altyn saqına, úı qujattary, 1843 jyly shyǵarylǵan mys monetasyn, «Eńbegi úshin» medalin jáne 8 000 000 teńge saqtalǵan metall seıfti urlanǵan. Jalpy keltirilgen materıaldyq shyǵyn 10 000 000 teńgeni qurady.
– Izdestirý sharalaryn júrgizý barysynda polısııa qyzmetkerleri «izin sýytpaı» buryn birneshe ret sottalǵan 30 jastaǵy eki jergilikti turǵyndy ustady. Olar urlanǵan múlikti ishinara qaıtarǵan. Kúdiktiler ýaqytsha ustaý ızolıatoryna qamaldy, – dedi ShQO PD bastyǵy Saǵat Madıev.
Atalǵan fakti boıynsha Qazaqstan Respýblıkasy Qylmystyq Kodeksiniń 188-baby 4-bóligi «Urlyq» boıynsha sotqa deıingi tergeý bastaldy.