Elimizde 45 myńnan astam qartqa memleket tarapynan arnaýly áleýmettik qyzmet kórsetildi, dep habarlaıdy Egemen.kz QR Eńbek jáne halyqty áleýmettik qorǵaý mınıstrligine silteme jasap.
Mınıstrlik habarlaǵandaı, búgingi tańda 45 myńnan astam qart AÁQ-men (arnaýly áleýmettik qyzmet) qamtylǵan. Qarttarǵa arnalǵan qyzmetter qatarynda 45 stasıonarlyq úlgidegi uıymda (medısınalyq-áleýmettik mekemeler) jáne 43 jartylaı stasıonarda (kúndiz bolý bólimsheleri jáne ońaltý ortalyqtary) em alý jatady.
Sondaı-aq, elimiz boıynsha 357 áleýmettik kómek kórsetý bólimshesi men memlekettik áleýmettik tapsyrys aıasynda 136 úkimettik emes uıym qazaqstandyq ata-ájelerdi óz qamqorlyǵyna alǵan.
«Áleýmettik qyzmet kórsetý mekemeleri 8 qyzmet túrin usynady. Atap aıtqanda, áleýmettik-ekonomıkalyq, áleýmettik-quqyqtyq, áleýmettik-eńbek, áleýmettik-mádenı, áleýmettik-psıhologııalyq, áleýmettik-pedagogıkalyq jáne áleýmettik-medısınalyq qyzmet túri bar. Áleýmettik qyzmetkerler aptasyna keminde 2 ret kómek alatyn qarttardyń úıine baryp turady. Bizdiń mamandar egde jastaǵy azamattardyń jaǵdaıyn bilip, olarǵa qol ushyn sozady. Sonymen qatar Úkimet tarapynan kórsetiletin kómekterdi usynyp, qyzmet kórsetedi», dep túsindirdi Áleýmettik kómek saıasatyn damytý departamentiniń dırektory Asqar Nııazov.