AQSh-ta delta-shtamymen baılanysty koronavırýstyń qazirgi tolqyny tolyǵymen toqtaıdy, dep habarlaıdy Egemen.kz.
Biraq álem boıynsha indet birjola joıylady deýge áli erte. Bul týraly osy eldiń azyq-túlik jáne dári-dármekti baqylaý basqarmasynyń burynǵy basshysy Skott Gottlıb málimdedi. Delta-shtamyn juqtyrǵan naýqastardyń deni Amerıkanyń soltústik shtattarynda turady eken. Maman eldegi epıdemıologııalyq jaǵdaı jyl sońyna deıin turaqtalady degenge kámil senedi.
«Búginde AQSh-tyń búkil aýmaǵynda koronavırýstyń delta-shtamy basym bolyp tur. Biraq ýaqyt óte kele onyń taralý deńgeıi azaıady. Dese de, bul indet aıaqtaldy degendi bildirmeıdi. Kovıd tumaý sııaqty belgili bir kezeńde aınalyp soǵyp turady. Birjola joǵalady dep oılamaımyn», deıdi AQSh-tyń azyq-túlik jáne dári-dármekti baqylaý basqarmasynyń burynǵy basshysy Skott Gottlıb.