Bul týraly Energetıka mınıstri Maǵzum Myrzaǵalıev «KIOGE-2021» halyqaralyq munaı jáne gaz kórmesinde aıtty, dep jazady Egemen.kz.
Mınıstrdiń aıtýynsha, Qazaqstanda dızel otynyn tutyný kólemi buryn-sońdy bolmaǵan rekordtyq kórsetkishke jetken. Bıyl tamyz-qyrkúıek aılarynda shamamen 520-540 myń tonna dızel otyny paıdalanylǵan.
«Dızel otyny jáne basqa da janar-jaǵarmaı túrleriniń baǵasy rettelmeıdi. Baǵany suranys pen usynysqa súıene otyryp naryq retteıdi. Sondyqtan da bizdiń mınıstrliktiń baǵany belgileýge esh qatysy joq. Búginde munaı baǵasynyń óskeni baıqalady. Bir-eki kúnniń ishinde barreli 78 dollardan 82 dollarǵa deıin ósti. Árıne, munaı baǵasynyń ózgerýi janar-jaǵarmaıdyń baǵasyna áser etedi», dedi mınıstr.