Bul týraly QR Densaýlyq saqtaý mınıstri Alekseı Soı málim etti, dep habarlaıdy Egemen.kz.
«Qazaqstanda 6 qazanda COVID-19-ǵa oń nátıjemen 896 162 naýqas jáne KVI-ǵa teris nátıjemen 76 517 jaǵdaı tirkeldi. KVI-men aýyratyn naýqastardyń shamamen 92 paıyzy saýyǵyp shyqty. Onyń ishinde KVI oń nátıjemen - 835 805 naýqas jáne KVI teris nátıjemen - 63 902 naýqas», dedi mınıstr Ortalyq kommýnıkasııalar qyzmetindegi baspasóz máslıhatynda.
Onyń dereginshe, epıdemıologııalyq jaǵdaı matrısasyna sáıkes, 4 óńir táýekeli joǵary, ıaǵnı «qyzyl» aımaqta ornalasqan. Sońǵy aıda Qazaqstanda epıdemıologııalyq jaǵdaıdyń turaqtanýy baıqalady.
«Qazaqstan Respýblıkasy jáne 8 óńir táýekeli joǵary aımaqtan táýekeli ortasha aımaqqa kóshti. Táýekeli ortasha aımaqtan táýekeli tómen, «jasyl» aımaqqa 3 óńir: Jambyl, Mańǵystaý jáne Qyzylorda oblystary kóshti», dedi Alekseı Soı.