Júrgizýshi QR ÁQBK 608-babynyń 1-bóligimen ákimshilik jaýapkershilikke tartyldy, dep habarlaıdy Egemen.kz.
Oblystyq polısııa departamenti baspasóz qyzmetiniń málimeti boıynsha, «Avtobýs» jedel aldyn alý is-sharasy barysynda patrýldik polısııa batalonynyń qyzmetkerleri Malaısary batyr - Ermak kósheleriniń qıylysynda «Gaz-A65R35» avtokóligin toqtatqan. Atalǵan shaǵyn avtobýs jolaýshylar tasymalyn júzege asyrady.
«Qujattardy tekserý kezinde 48 jastaǵy júrgizýshi ózin durys ustamaǵan, qozǵalysy kúdik týdyrǵan. Biraq alkogolge tán ıis bolmaǵan, al júrgizýshiniń ózi saý ekenin aıtqan. Alaıda medısınalyq tekserýden ótý kezinde júrgizýshiniń esirtkige mas bolǵany anyqtaldy. Avtokólik arnaıy turaqqa qoıyldy. Endi oǵan jeti jyl boıy kólik quraldaryn júrgizýge tyıym salynady», dep habarlady Pavlodar qalasy polısııa basqarmasy bastyǵynyń birinshi orynbasary Nurǵalı Omarbekov.
Eske sala keteıik, qoǵamdyq kólikti basqaratyn júrgizýshiler tarapynan buzýshylyqtardy anyqtaýǵa baǵyttalǵan «Avtobýs» jedel aldyn alý is-sharasy 4-13 qazan aralyǵynda ótkiziledi.