Eńbek jáne halyqty áleýmettik qorǵaý mınıstri Respýblıkanyń kásipodaq uıymdarynyń qyzmetkerlerin 10 qazanda atap ótiletin kásibı merekesimen, al Kásipodaqtar federasııasyn 30 jyldyq mereıtoıymen quttyqtady, dep jazady Egemen.kz mınıstrliktiń baspasóz qyzmetine silteme jasap.
«QR Eńbek jáne halyqty áleýmettik qorǵaý mınıstrliginiń atynan kásipodaq uıymdarynyń qyzmetkerlerin kele jatqan Qazaqstannyń kásiptik odaqtary kúnimen quttyqtaımyn!
Búginde áleýmettik áriptestiktiń barlyq deńgeılerinde kásipodaqtar qurylyp, jumys isteýde, olardyń quramyna 3 mln.-nan astam jumysker kiredi. Olardyń ishinde 23 salalyq kásipodaqty, 17 aýmaqtyq kásipodaqtar birlestigin jáne 17 myńnan astam bastaýysh kásipodaq uıymyn biriktiretin Kásipodaqtar federasııasy eń ókildi jáne jappaı kásipodaq uıymy bolyp tabylady.
Kásipodaqtar federasııasy Qazaqstan táýelsizdigimen qurdas jáne bıyl onyń 30 jyldyǵyn atap ótýdemiz. Osy jyldar ishinde Kásipodaqtar federasııasy ekonomıkalyq damý jáne qoǵamdaǵy áleýmettik turaqtylyq maqsattaryna qol jetkizýde ózin belsendi qatysýshy jáne Úkimettiń áriptesi retinde kórsetti.
Buǵan mysal – 2021-2023 jyldarǵa arnalǵan jańa QR Úkimeti, jumys berýshilerdiń respýblıkalyq birlestikteri jáne jumyskerlerdiń respýblıkalyq birlestikteri arasyndaǵy Bas kelisimniń jobasymen jasalǵan jumys. Kásipodaqtar federasııasy óz alańynda alǵash ret barlyq respýblıkalyq kásipodaqtar birlestikterin biriktirip, keıinnen aǵymdaǵy jyldyń naýryz aıynda qol qoıylǵan Bas kelisimniń negizin quraǵan qujattyń jobasyn daıyndady.
Bas kelisim sheńberinde memlekettiń strategııalyq jáne baǵdarlamalyq qujattaryn eskere otyryp, taraptardyń áleýmettik-ekonomıkalyq damý jónindegi negizgi mindettemeleri bekitilgen:
- Halyqaralyq eńbek uıymynyń usynymdaryna sáıkes eń tómengi memlekettik áleýmettik standarttardy jáne áleýmettik qamsyzdandyrý normalaryn kezeń-kezeńimen arttyrý jónindegi máselelerdi qaraý;
- óz músheleriniń eńbek quqyqtary men múddelerin bildirý jáne qorǵaý boıynsha kásipodaqtar men jumys berýshiler birlestikteriniń rólin arttyrý.
Búgingi kúni memleketke eńbek qatynastary sýbektileriniń múddelerin ońtaıly úılestirýge qol jetkize alatyn kúshti jáne jaýapty kásiptik odaqtar ásirese qajet.
Birlesken kúsh-jigerimizben biz Qazaqstan Respýblıkasynda 2025 jylǵa deıin qaýipsiz eńbekti qamtamasyz etý jónindegi is-qımyl josparyn ázirledik. Josparda kózdelgen is-sharalardy iske asyrý nátıjesinde 2025 jylǵa qaraı óndiristik jaraqattaný 10%-ǵa tómendeıdi dep kútilýde.
Áleýmettik shıelenistiń aldyn alý jáne áleýmettik-eńbek janjaldaryn sheshý jónindegi keshendi jospar iske asyrylýda. Qabyldanyp jatqan sharalardyń nátıjesinde bıyl 300-ge jýyq eńbek daýynyń aldyn alýǵa, sondaı-aq 20 myń jumysker aldynda 4,7 mlrd teńgeden astam somaǵa jalaqy bereshegin óteýdi qamtamasyz etýge qol jetkizildi.
Kásipodaqtardyń kómegimen jumyskerlerge arnalǵan qosymsha áleýmettik paketterdi kózdeıtin ujymdyq sharttarmen qamtý 98,4%-dy quraıdy.
Respýblıka kásiporyndarynda 15 myń óndiristik keńes quryldy jáne jumys isteıdi, olardyń mindetterine eńbekti qorǵaý jónindegi 17 myńnan astam tehnıkalyq ınspektordyń qatysýymen jumys oryndaryndaǵy eńbek jaǵdaılaryn tekserýdi uıymdastyrý kiredi.
Elimizdiń 216 kásiporny halyqaralyq Áleýmettik qamsyzdandyrý qaýymdastyǵy ázirlegen «Vision Zero» nóldik jaraqattaný tujyrymdamasyn engizdi.
Kásipodaqtar federasııasy QR Tuńǵysh Prezıdenti qurǵan bıznestiń áleýmettik jaýapkershiligi jónindegi «Paryz» respýblıkalyq konkýrsyn uıymdastyrýǵa úlken úles qosýda.
Aǵymdaǵy jyly bizdi Qazaqstan Respýblıkasynda Áleýmettik kodeks pen 2030 jylǵa deıingi qaýipsiz eńbek tujyrymdamasyn ázirleý boıynsha úlken birlesken jumys kútip tur.
Qazaqstannyń barlyq kásipodaq uıymdarynyń qyzmetkerlerin kásibı merekelerimen taǵy da quttyqtaımyn! Jumys isteıtin qazaqstandyqtardyń quqyqtary men múddelerin qorǵaýǵa qosyp jatqan baǵa jetpes úlesterińiz úshin raqmet! Sizderge aldaǵy ýaqytta da belsendi ári jemisti jumys tileımin», dep jazylǵan Serik Shápkenovtiń quttyqtaýynda.