Atyraý oblysynda Kaspıı jaǵalaýyndaǵy 450 gektar aýmaqta qamys órti sóndirildi, dep habarlaıdy Egemen.kz.
Oblystyq tótenshe jaǵdaılar departamenti baspasóz qyzmetiniń málimetine súıensek, 5 qazanda tutanǵan qamys órtin sóndirý áli jalǵasyp jatyr.
Búgin, 12 qazanda jergilikti ýaqytpen saǵat 09:00-ge deıin taǵy da 30 gektar aýmaqta qamys órti sóndirilgen.
«Tótenshe jaǵdaılar departamentinen jumyldyrylǵan jeke quramnyń kúshimen 20 gektardaǵy órt oshaǵy joıyldy. Al, 10 gektar aýmaqtaǵy jalyn ózdiginen sóndi. О́rtengen jerdiń jalpy aýdany 550 gektardy qurady. Onyń ishinde 450 gektardy sharpyǵan órt sóndirildi», dep habarlady departamenttiń baspasóz qyzmeti.
Qazir Kaspıı teńiziniń jaǵalaýyndaǵy órtti joıýǵa Atyraý oblystyq tótenshe jaǵdaılar departamentiniń jeke quramynan 34 adam, 5 tehnıka, 4 motosorǵysh, 1 generator, 40 jeń, 1 úrlemeli shatyr, sondaı-aq O.Kóshekov atyndaǵy Atyraý agrarlyq-tehnıkalyq kolledjiniń 1 adamy men 1 John Deere-6135b traktory tartylǵan.