Italııada koronavırýs sertıfıkatyn almaǵan azamattar jumysqa jiberilmeıdi. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy Egemen.kz.
Erteńnen bastap Saýd Arabııasynda keıbir karantındik talaptar joıylady. Eldiń Ishki ister mınıstrliginiń málimetinshe, kóshede qorǵanysh maskalaryn mindetti taǵý talabynyń kúshi joıylady. Betperdeni tek kóshede taqpaýǵa bolady, jabyq bólmelerde maska kııý jalǵasady. Pandemııa bastalǵannan beri Saýd Arabııasynda ınfeksııanyń 547 845 jaǵdaıy tirkeldi (ótken táýlikte +48), 8 758 adam COVID-19 saldarynan qaıtys boldy.
Italııa úkimeti respýblıka azamattarynyń koronavırýsqa qarsy belsendi vaksınalanatynyn habarlaıdy. Bir apta ishinde vaksınasııanyń táýliktik sany úshten bir bólikke ósti. 15 qazannan bastap Italııada epıdemıologııalyq normalar kúsheıtildi: kovıd-sertıfıkaty joq azamattar jumysqa bara almaıdy. Bul qujatty egilgen, aýyryp jazylǵan nemese teris nátıjesi bar PTR-test usynǵan adamdar ala alady. Vaksına almaǵandar testi óz akshalaryna jasatady. Italııada birinshi jáne qaıta egýdi 43 684 885 turǵyn aldy.