Qyzylorda oblysynda qoqys konteıneri janynan shala týǵan balanyń denesi tabyldy, dep habarlaıdy Egemen.kz.
Oqıǵa búgin, 18 qyrkúıekte Qarmaqshy aýdanyna qarasty Tóretam kenti Janqoja batyr kóshesindegi № 27 kópqabatty úıdiń aýlasynda ornalasqan kúl-qoqys jınaıtyn konteıner mańynda tirkeldi.
«Sol aýmaqtan dala sypyratyn jumysshy qoqys jınaý barysynda shala týylǵan bala túsik denesin kórgen.
Atalmysh derek boıynsha QR Qylmystyq kodeksiniń 100-baby (jańa týǵan balany anasynyń óltirýi) boıynsha qylmystyq is qozǵaldy. Bul is QR Ishki ister mınıstrliginiń Baıqońyr qalasyndaǵy ókildiginiń sotqa deıingi tergep-tekserý biryńǵaı tizilimine tirkeldi. Ol boıynsha sotqa deıingi tergep-tekserý áreketteri júrgizilýde», dep málim etti QR Ishki ister mınıstrliginiń Baıqońyr qalasyndaǵy ókildiginen.