Dárigerler mas júrgizýshi qaǵyp ketken polıseıdiń jaǵdaıy týraly aıtty, dep habarlaıdy Egemen.kz.
Almatynyń Qoǵamdyq densaýlyq saqtaý basqarmasynyń málimetinshe, mas júrgizýshi qaǵyp ketken polıseı 17 qazanda №4 qalalyq klınıkalyq aýrýhanaǵa saǵat 23:40-ta jetkizilgen.
«Naýqastyń eki aıaǵy synǵan, ishki aǵzalary zaqymdanǵan. Jansaqtaý bóliminde em qabyldap jatyr. Jaǵdaıy turaqty aýyr», dedi basqarma ókilderi.
Eske salaıyq, keshe, 18 qazanda Almatyda mas júrgizýshi polısııa qyzmetkerin qaǵyp ketken bolatyn. Almaty qalalyq polısııa departamentiniń málimetinshe, túnde «Býran-227» patrýldik ekıpajy Qabanbaı batyr kóshesinde qarama-qarsy baǵyttaǵy jolaqta kele jatqan "Hyundai" avtokóligin toqtatqan. Túrli dene jaraqatyn alǵan polısııa qyzmetkeri aýrýhanaǵa jetkizildi.