Pavlodar oblysynda buǵan deıin alıment tólemegeni úshin bir jylǵa bas bostandyǵynan aıyrylǵan bes balanyń anasy kolonııaǵa jiberildi, dep habarlaıdy Egemen.kz.
Oblystyq Qylmystyq-atqarý júıesi departamenti baspasóz qyzmetiniń málimetinshe, kópbalaly ana buǵan deıin de polısııamen isti bolǵan. Onyń otbasynyń turmysy nashar. Áıel jıi ishimdik iship, balalaryn únemi úıde jalǵyz qaldyryp júrgen eken.
Áıel ata-ana quqyǵynan aıyrylǵan. Úlken balalary ınternatta, kishi balalaryn týystary alyp ketken. Ýaqyt óte kele týystary alıment tóletýge aryz bergen. Alaıda áıel adam balalaryna kómektesýdi de oılamaǵan eken. Bıyl ol alıment tólemegeni úshin bir jylǵa bas bostandyǵynan aıyryldy.
«Aıyptalýshyǵa onyń quqyǵy men mindetteri túsindirildi. Kópbalaly anaǵa birneshe ret alıment tóleýi qajet ekeni aıtyldy, balalarymen qarym-qatynasyn jóndeýge kómektespek boldyq. Birneshe ret ony jumyspen qamtý ortalyǵyna jiberdik. Alaıda oǵan usynylǵan jumystardan bas tartty», deıdi Pavlodar aýdanynyń probasııa qyzmetiniń bastyǵy Damır Janybekov.
Onyń aıtýynsha, buǵan deıin áıel adam túrli jumys istep, alıment tólemegen.
«Odan bólek, aıyptalýshy mindetti jumysqa shyqpady, esh eskertpeı aýyldan tys jerge ketip, túrli zańbuzýshylyq jasap, aqyry bas bostandyǵynan aıyryldy», dedi Janybekov.
Kópbalaly ana jazasyn ortasha qaýipsiz áıelder kolonııasynda óteıdi.