Ishki ister mınıstri Erlan Turǵymbaev Túrkııa Respýblıkasy Jandarmerııasy Bas qolbasshysynyń orynbasary Zafer Kochpen ekijaqty yntymaqtastyqty talqylady, dep habarlaıdy Egemen.kz.
Kezdesý barysynda mınıstr Memleket basshysynyń dostyq pen ózara túsinistik rýhyndaǵy serpindi damyp kele jatqan qazaq-túrik qatynastary jáne keń aýqymdy máseleler boıynsha ortaq kózqaras týraly aıtqan sózderin erekshe atap ótti. Qos tarap qylmyspen kúres jáne qoǵamdyq tártipti qorǵaý salasyndaǵy ekijaqty yntymaqtastyqtyń jaǵdaıy men bolashaǵy týraly pikir almasty.Erlan Turǵymbaev bul úshin qajetti quqyqtyq baza qurylǵanyn atap ótti: qylmyspen kúres týraly úkimetaralyq kelisim kúshinde, Qazaqstan men Túrkııanyń Ishki ister mınıstrlikteri arasynda qaýipsizdik salasyndaǵy ózara yntymaqtastyq týraly Hattamaǵa qol qoıyldy.