Pavlodar turǵyny ózine eskertý aıtqan qala turǵyndaryn pyshaqtap tastady, dep habarlaıdy Egemen.kz.
Oblystyq Polısııa departamentiniń málimetinshe, 24 qazan kúni saǵat 01:30 shamasynda Pavlov kóshesi boıyndaǵy kópqabatty úıdiń janynda alkogoldik ishimdik ishken azamattar tártipsizdikke jol bergen.
Osy úıde turatyn er adam dosymen birge shyǵyp, jigitterge eskertý jasapty. Sodan keıin jigitter men úı turǵyndarynyń arasynda janjal shyǵyp, ol tóbeleske ulasqan, janjal barysynda atalǵan mekenjaıda turatyn eki jigit pyshaq jaraqatyn alǵan. Jábirlenýshiler aýrýhanaǵa jetkizildi.
Atalǵan fakti boıynsha, sotqa deıingi tergeý amaldary júrgizilýde. Qazaqstan Respýblıkasy Qylmystyq kodeksiniń 106-baby 2-bóligi 1-tarmaǵy boıynsha qylmystyq is qozǵaldy.