Bizge fýtbol arqyly ǵana belgili Brazılııa elimen pálendeı qarym-qatynasymyz joq dep oılaımyz ǵoı. Biraq shalǵaıdaǵy memleketpen de resmı baılanys ornatylyp, tipti saýda-sattyq ta jolǵa qoıylǵan. Máselen, 2021 jyldyń 8 aıynda eki el arasyndaǵy taýar aınalymy 2,3 ese ósip, 109,8 mln AQSh dollar quraǵan, osy ýaqytta eksport 92,6 paıyzǵa ósim kórsetip, 47,4 mln dollarǵa jetipti.
Al Brazılııadan biz satyp alatyn taýar kólemi 2,7 ese ósken, tıisinshe 62,4 mln dollardy quraǵan. Qazaqstan Brazılııaǵa kúkirt, ferroqorytpa, qara metaldardan jasalǵan buıymdar men ýrandy kóbirek satsa, olar bizge negizinen qant, jemis-kókónis shyryndary, kofe, dári-dármekter ımporttaıdy. Saýda jáne ıntegrasııa vıse-mınıstri Qaırat Tórebaevtyń aıtýynsha, qazirgi kezde Qazaqstanda Brazılııanyń qatysýymen 5 kásiporyn jumys isteıdi.
«Qazaqstan 433,8 mln dollar somasyna 55 áleýetti taýar jetkizýge daıyn. Metallýrgııa, tamaq, hımııa jáne mashına jasaý salalarynyń ónimderin jetkizýdi ulǵaıtýǵa múmkindigimiz bar» deıdi Q.Tórebaev.
Ol sonymen qatar brazılııalyq ınvestısııalardy tartý úshin «Qorǵas» ShYHO áleýetin paıdalanýdy, sondaı-aq ony QHR naryǵyna kóterme-bólshek eksporttaý úshin alań retinde paıdalanýdy usyndy.
Q.Tórebaevtyń aıtýynsha, Qazaqstan EAEO biryńǵaı taýar ótkizý júıesiniń (ETPS) jáne ony odan ári keńeıtý perspektıvasymen Ortalyq Azııa elderiniń tirek núkteleri bolatyn shekara mańyndaǵy ındýstrııalyq saýda-logıstıkalyq habtar jelisin iske asyrady.
«Qorǵas «HShYO» AEA artyqshylyqtary – QHR jáne EAEO naryǵyna qoljetimdilik, vızasyz rejim, AEA qatysýshylaryna beriletin salyq jeńildikteri, bajsyz saýda, daıyn ınjenerlik jáne kólik ınfraqurylymynyń bolýy», dedi Qaırat Tórebaev.
О́z kezeginde Baııa shtatynyń gýbernatory Rýı Kosta Dos Santos Brazılııanyń áleýeti zor ekenin jáne munaı-hımııa jáne óńdeý sektorynda, aýyl sharýashylyǵynda jáne taý-ken ónerkásibinde yntymaqtasýǵa daıyn ekenin atap ótti.