Polıseıler Pavlodarda 21 jastaǵy jigitti urlap ketken tórt adamdy ustady. Olardyń avtokóligin Qaraǵandy oblysynyń bir aýylynyń mańynan tapty, dep habarlaıdy Egemen.kz.
Taksı júrgizýshisi 25 qazanda keshke adam urlanǵanyn habarlady. Onyń aıtýynsha, tórt jigit onyń jolaýshysyn basqa kólikke otyrǵyzyp, belgisiz baǵytqa alyp ketken.
«Taksı júrgizýshisiniń aıtýy boıynsha baǵytty anyqtadyq. Dereý «ustap alý» jospary engizilip, óńirdiń jeke quramy men jaqyn mańdaǵy oblystardyń polısııa departamentteri jumyldyryldy», dep habarlady polısııadan.
«Jedel-izdestirý is-sharalaryn júrgizý nátıjesinde 26 qazanda saǵat 01.20 shamasynda Qaraǵandy oblysy Molodejnoe aýylynyń mańynda kúdikti kólikti Pavlodar jáne Qaraǵandy oblystarynyń polısııa qyzmetkerleri ustady. 2000-2001 jyldary týǵan tórt kúdikti ustaldy. Avtokólik arnaıy aıyp turaǵyna qoıyldy», dedi Másimov.
Bul derek boıynsha Qylmystyq kodekstiń 125-baby 2-tarmaǵy 1-bóligi boıynsha sotqa deıingi tergeý amaldary júrgizilip jatyr. Istiń mán-jaıy men sebepteri anyqtalýda.Tergeý júrgizilip jatqan «Adam urlaý» babynyń sanksııasy 4 jyldan 7 jylǵa deıingi merzimge bas bostandyǵynan aıyrýdy kózdeıdi.