QR Eńbek jáne halyqty áleýmettik qorǵaý mınıstri Serik Shápkenov Qazaqstannyń áleýmettik qyzmetkerlerin kásibı merekesimen quttyqtady, dep habarlaıdy Egemen.kz vedomstvonyń baspasóz qyzmetine silteme jasap.
«Áleýmettik qorǵaý júıesi qyzmetkerleriniń kúni - bul ózgelerdiń máselelerin birinshi bolyp qabyldaıtyn jáne olardy sheshýge kómektesetin eń meıirimdi adamdardyń merekesi. Búgingi tańda áleýmettik qorǵaý júıesinde 30 myńnan astam qyzmetker jumys isteıdi, onyń ishinde 11,6 myń adam – áleýmettik qyzmetkerler. Sizder az qamtylǵan azamattarǵa, múgedektigi bar adamdarǵa jáne zeınetkerlerge qajetti kómek kórsetesizder. О́z qyzmetterińizben bizdiń álemdi meıirimdi etesizder, óıtkeni adamdarǵa ómirlik qıyndyqtardy jeńýge kómektesip qana qoımaı, olarǵa júrekterińizdiń jylýyn syılaısyzdar. Sizderdiń eńbekterińiz úshin rahmet! Sizge optımıstik kózqaras, jan tynyshtyǵy jáne jumysta izgilik tileımin!», delingen Serik Shápkenovtiń úndeýinde.
Eske sala ketsek, Qazaqstanda áleýmettik qorǵaý júıesi qyzmetkerleriniń kúni qazan aıynyń sońǵy jeksenbisinde atap ótiledi.