Jambyl oblysy Jambyl aýdany Asa aýylyndaǵy gaz óńdeý zaýytynan órt shyqty, dep habarlaıdy Egemen.kz.
Qalyń qara tútin beınelengen vıdeo Instagram-da jarııalandy.
Jambyl aýdanynyń ákimdigi habarlaǵandaı, «Amangeldi GО́Z» JShS Taraz fılıalynyń aýmaǵyndaǵy órt týraly aqparat saǵat 12:00-de kelip tústi.
«Kórsetilgen ýaqytta kompaýndırleý blogynyń ýchaskesinde kólemi 240 tekshe metr eki dızel rezervýary janǵany anyqtaldy», dep jazady Jambyl aýdany ákimdiginiń baspasóz qyzmeti.
О́rtti sóndirýge oblystyq TJD jeke quramynan 75 adam jáne 21 tehnıka jumyldyryldy.
«О́rt 12:54-te aýyzdyqtaldy, qaza bolǵandar men zardap shekkender joq. О́rttiń shyǵý sebebi anyqtalýda», deıdi ákimdiktiń baspasóz qyzmeti.
Vedomstvo zaýyt aýmaǵy qorshalyp, kásiporyn qyzmetkerleri evakýasııalanǵanyn atap ótti.
О́z kezeginde oblystyq tótenshe jaǵdaılar departamenti órt 13:17-de joıylǵanyn habarlady.
«Jalpy kólemi 480 tekshe metr dızeldi otyny bar eki rezervýar janyp ketti. Zardap shekkender týraly aqparat joq. Aldyn ala sebep – munaı ónimderin aıdaý kezinde tehnologııalyq prosestiń buzylýy», dep málimdedi Jambyl oblysy TJD baspasóz qyzmeti.